Dersom du er over 19 år og ikkje har fullført vidaregåande utdanning før, har du rett til vaksenopplæring og kan få tilbod om gratis opplæring. Andre kan også søkje og kan få tilbod om opplæring dersom det er ledige plassar.
Vaksenopplæring
Bruk piltastene til å bla i bildene
Her er fagtilbodet for skuleåret 2025/26. Søk innan 1. mars
Helsearbeidarfag Vg1/Vg2/Vg3, ei gruppe på inntil 15 elevar, som fører fram til sluttkompetanse i helsearbeidarfag. Opplæringa er modulstrukturert for betre å vareta behovet til den vaksne, utgangspunkt og livssituasjon. Tilbodet blir gitt i samarbeid med NAV og er praksisretta, med stor vekt på opplæring i bedrift og ute i institusjonar.
Logistikkfag Vg1/Vg2/Vg3, ei gruppe på inntil 15 elevar, som fører fram til sluttkompetanse i logistikkfaget. Opplæringa er modulstrukturert for betre å vareta behovet til den vaksne, utgangspunkt og livssituasjon. Tilbodet blir gitt i samarbeid med NAV og er praksisretta, med stor vekt på opplæring i bedrift og ute i relevante logistikkmiljø. Opplæringa er også nettstøtta, noko som inneber at deltakarane har færre fysiske samlingar, men kan følgja delar av undervisninga digitalt for auka fleksibilitet.
Vestland fylke gir tilbod om gratis vidaregåande opplæring for vaksne. Utdanninga kan føre fram til fagbrev, yrkes- eller studiekompetanse. Du kan også få realkompetansevurdering og studierettleiing hos oss. Alle tenester er gratis for deg med vaksenrett Vidaregåande utdanning for vaksne - Vestland fylkeskommune
Vidaregåande fagtilbod for vaksne 2025/2026 - Vestland fylkeskommune
Søknadsskjema: VIGO